مسرح من الاخر

مسرح من الاخر

بواسطة مهرجان الفكر الجديد
|
في 23 كانون الثاني (يناير) 2013
صوت موسيقى معبية الدنيا ضلينا ندور لوصلنا للمكان اللي فيه موسيقى عشان نعرف شو القصة لقينا مسرح كبيير كتيير واقفين عليه فرقة جيتاناي اسم غريب كتير فرقة بتعزف على الغيتار والناي بطريقة غريبة كتير بس عم يطلع منها احلى واروع لحن ممكن انك تسمعو بحياتك المهرجان كلو معجوء الا هون كل الناس عم تسمع هالالحان الرائعة وفي لحظة بعد ما خلصوا انقلب المسرح مرة وحدة وضحكات الكل صارت تتعالى وعبت الدنيا مع نبيل صوالحة  ومع الدكتور سهيل جوعانه ابداعات وجواهر طلعت من تمو عن النجاح الاجتماعي والعاطفي عنجد اشي بجنن بحياتنا ما عشنا تجربة زي هالتجربة  كل موضوع ممكن يخطر على بالك موجود.. كل سؤال محيرك بتلاقيلو جواب.. مواضيع بتحاكي مشاعرك وبتتناغم مع احلامك موسيقى بتبعتك لابعد ما يمكن من الخيال الرائع وخصوصاً لما نسمع حسن الميناوي عم يعزف عالشلمونة  بصراحة خيال مبني على ارض الواقع... شوربة بنوعدك نكون اول الحاضرين لنستمتع بمكوناتك الزاكية.